Nie čaplajsia za kryso byłoha,
Nie ciahni adtul adčaju nić,
I sumleńnia ciomnaja biarłoha,
Absmaktaŭšy łapu, budzie žyć.
I navošta leźci praz hałovy,
Jak zdaŭna kazałi, na ražon?
Ty ž nia byŭ chałodnym i hałodnym,
Nie chadziŭ, balesny, pad ružžom.
I biaz daj pryčyny marna piacca
Adhaniać ad rodnaha śviniej:
U ciabie ž nie chrabuściełi palcy
I tym bolš nie abśvistaŭ śviniec.
I ci varta ŭspaminać pra hieny
I traści tradycyj futarał?
Nie na toje zvaŭ z akcentam «hienij»,
Kab słabincy kožnaj paturać.
I najlepiej pačakać. A raptam
Zasapie iznoŭ byłaja rać,
I taho, chto piorsia na arapa,
Nie paśpiejuć kostak paźbirać.
|
|
